Mizoram aiawh tur boxer pariat
Mizoram Boxing Association chuan Elite Men national Boxing Championship-a state aiawh tur thlanna chu Inrinni khan Ramhlun Boxing Hall-ah a nei a, boxer pariat thlan chhuah an ni.
October 24-30 chhungin Visakapatnam-ah championship khelh tur a ni a, feh chhuak tur boxer pariat zinga pali - NT Lalbiakkima, Zonuntluanga, Anthony Lalduhawma leh Johnkenty Vanhlimpuiate hi LPS Pro Fight champion lai an ni. November 7-ah Pro Fight ṭan a ni leh dawn a, champion lai leh boxer dangte tan inbuatsaihna tha tak a ni nghal ang.
Mizo team hi AIBA Star 1 coach pahnih C. Vanlalchhuanga leh R. Lalchhuanawma'n an hruai dawn a, Ring Official turin Vulṭhavunga a kal bawk ang.
Mizo boxer thate
# Boxer Khua/Veng
1 NT Lalbiakkima Siaha
2 Laldinmawia Tuipui
3 Zonuntluanga Dinthar
4 Vanlalhriatkima Chaltlang
5 Vanlalawmpuia Khuangthing
6 Anthony Lalduhawma Govt Complex
7 Johnkenty Vanhlimpuia Tuipui
8 H. Lalrinhlua Hnahthial