FIFA U17 World Cup Goal khung thiam Paraguay

Zirtawpni zan Group B-a Paraguay leh Mali inkhelah minute 34 chhungin goal li a lut a, a tawpa dingchang zawk chu Paraguay an ni - South American Under-17 Football Championship-a pathumna team hian hian minute 12-na lekah Antonio Galeano hmangin goal hmahruai an khung a, minute nga hnuah Leonardo Sanchez chuan a khung chhunzawm ve nghal.

Paraguay-in Mali an sawp dawn nia a lan laiin Mali hian Hadji Drame (20') leh Lassana N’Diaye (34') hmangin an sut a, Paraguay-in hnehna chang turin minute 55-naa Alan Rodriguez penalty an nghah thlen a ngaih phah - Mali in a chhanletna an nei tawh lo.

Group B inkhel dangah New Zealand leh Turkey chu chak zawk awm loin an ṭin bawk a, minute 18-naa Turkey tana Ahmed Kutucu goal khung chu Kiwi (New Zealand sawina) tan Max Mata chuan a sut a, Kiwi captain hian hun tawp hnaih lamah red card hmu bawkin hnawhchhuah a ni.

FIFA U17 World Cup
Inkhel Results
October 6, Zirtawpni
New Zealand 1 - 1 Turkey
Colombia 0 - 1 Ghana
India 0 - 3 United States U-17
Paraguay 3 - 2 Mali
October 7, Inrinni
Germany 2 - 1 Costa Rica
Brazil 2 - 1 Spain U-17
North Korea 0 - 1 Niger
Iran 3 - 1 Guinea
Vawiin Inkhel Tur
Ghana 5:00 PM United States
Turkey 5:00 PM Mali
Paraguay 8:00 PM New Zealand
India 8:00 PM Colombia
Note: Inkhel hi Sony ESPN, Sony ESPN HD, Sony Ten 2 leh Sony Ten 3-ten live-in an pe chhuak a, live streaming-in Sony Liv website leh App-ah te en theih a ni bawk.