Japan-ah David Goffin a thiam ber

ATP World Tour zinga pakhat Japan Open Tennis Championship chu nimin khan final khelh a ni a, seeded palina David Goffin chuan seeded chang phak lo Adrian Man­narino lakah 6-3, 7-5 a hnehna changin nomawi a chawi.

Belgian star Goffin hian tun hnaiah a khel ṭha tluang hle a, kar hmasa khan Shenzhen lamah nomawi a chawi tawh bawk, tun ṭuma champion tur hian set khatmah a hloh lo a ni.

Kum 26 mi Goffin hi tun dinhmunah world number 11 a ni mek a, Japan Open-ah a cham­pion tak avang hian ranking chhuak tharah chuan a sang 10 zingah a inhlangkai dawn. Asia lamah hlawhtlinna a chang chho zel a nih chuan seson tawp lama a sang pariatin an khelh ṭhin ATP Finals-a inlan turin a tan kawng a la inhawng.