Hingis leh Chan an champion

China Open hmeichhe doubles-ah tun hnaia inkawp fuh tak Martina Hingis leh Chan Yung-Jan te an cheṭha chhunzawm zel. Seeded pakhatna Hingis te ṭhiandun hian nimin khan seeded palina Timea Babos leh Andrea Hlavackova te ṭangdun chu 6-1, 6-4 a hnehin nomawi an chawi.

Hingis leh Chan te hian kuminah nomawi pakua an chawina a ni a, an nomawi chawi zingah Grand Slam hnuhnung ber US Open title pawh a tel. Singapore a khelh tur BNP Paribas WTA Finals-ah pawh rinkai ber an ni ang.

China Open-ah hian India star Sania Mirza leh Shuai Peng te pawh an inlan a, mahse semi­final-ah Hingis te nen intawngin Mizra leh Peng te ṭangdun hi 6-2, 1-6, 5-10 in an chak lo a ni.