Costa Rica tan Waston-a goal a tawk
North, Central America leh Caribbean ram (CONCACAF) aṭangin ram pathumin World Cup 2018 ticket an nei dawn a, Mexico an inpet tlin hnuah Costa Rica an tling ve leh ta. Kartawp inkhelah Costa Rica hian hun tawp dawna Kendall Waston-a goal hmangin Honduras chu 1-1 in an inhnehtawkpui a, point 16 hmuin pathumna aia hniam an ni thei tawh lo.
First half-a goal a luh loh hnuah table-a pangana Honduras lamin beisei loh takin Eddie Hernandez hmangin minute 66-naah hma an hruai a, an goal hi venghim tluan thei se chu Russia pan theih an inbeisei thei ang.
Mahse, minute 90-naah Waston an veng zo lo, Costa Rica defender hian Bryan Ruiz-a cross chu khungin an ram tana goal pawimawh leh hlu bik tak chu a khung a ni.
Ram paruk ten match khat ṭheuh an la khel dawn, Honduras hian tling chiang tawh Mexico an hmachhawn ang a, pathumnaa awm mek United States leh an hnuai chiaha awm Panama an inkhel bawk ang - ram pathum bakah palina chuan playoff an khel dawn.
Team Dinhmun
# Team Pld W D L GF GA GD Pts
1 Mexico 9 6 3 0 14 4 10 21
2 Costa Rica (Q) 9 4 4 1 13 6 7 16
3 United States 9 3 3 3 16 11 5 12
4 Panama 9 2 4 3 7 9 -2 10
5 Honduras 9 2 4 3 10 17 -7 10
6 Trinidad and Tobago (E) 9 1 0 8 5 18 -13 3