Mizoram basketball team chak zel

National Sub Junior Basketball Championship 2017 khelh mekah Mizo­ram team chuan match hnih an khelh tawhah hnehna an chang. Mizo­ram hian an match hma­sa zawkah Himachal Pradesh 52-42 in an hneh a, nimin khan Tripura hmachhawn lehin 38-10 in hnehna an chang nawn.

Didwana, Rajasthan-ah nizan khan Mizoram hian Kerala an hma­chhawn leh a, he thu buat­saih lai hian result kan hre hman lo - an group match hnuhnung berah Chandigarh nen an inkhelh leh dawn bawk.

Tun ṭum champion­ship-ah hian Mizoram team hi Group D-ah Ke­rala, Chandigarh, Hima­chal Pradesh leh Tripura nen an awm khawm a, India rama State hrang hrang 30 telin Group parukah ṭhendarh an ni.

Mizoram Basketball team hi head coach KC Lalliantluanga, asst. coach Vanlalnunsanga leh manager Lalhruaitluanga ten hruaiin BFI Referee exam turin Z. D. Deng­hmingliana a kal tel bawk.

Mizoram Team
# Player Khua/Veng
1 Lalhruaitluanga Republic Vengthlang
2 Johan Lalthianghlima Khatla South
3 C. Malsawmpuia Tuikual South
4 Jacob Lalfakzuala Upper Khatla
5 C. Lalrinpuia Tuikual South
6 H. Lalhmachhuana Khatla South
7 V. L. Remruatpuia Ramhlun Venglai
8 Lalhmangaihzuala Khatla East
9 Lalhnehpuia Zarkawt
10 Shaun Lalremruata College Veng
11 Lalruatkima Zarkawt
12 J.Sangzuala Ramhlun North