Scotland beiseina a thamral

Kum 1998 hnua a vawi khat nan Scotland-in World Cup khelh an beiseina chu a thamral - Scotland hian 2018 Russia World Cup playoff khel turin Slovenia an hneh ngei ngei a ngai a, mah se goal hnih ve ve khunga an inhnehtawk avangin an beiseina chu a thamral ta a ni.

Scotland tan Leigh Griffiths leh Robert Snodgrass ten goal khat ve ve khung mah se Slovenia tana Roman Bezjak chet ṭhat ṭum an tawng a, Croatian club HNK Rijeka striker hian goal hnih a khung a ni. Group F inkhel dangah Slovakia chuan 3-0 in Malta an hneh bawk a, goal difference an neih ṭhat zawk avangin pahnihna nichungin qualifier an khar.

Mahse, Slovakia hian playoff an khelh dawn leh dawn loh tichiang turin inkhel dang result an nghah phawt a ngai. UEFA World Cup quali­fier-ah hian team-te chu group pakuaah ṭhen an ni a, pakhatna ṭheuh chu World Cup khel tura tling chiang niin pahnihna zinga a ti ṭha pariatin playoff an khel leh dawn a ni.