Germany chak zanah Mustafi a inhliam

Arsenal defender Shkodran Mustafi chu World Cup qualifier-a Germany-in 5-1 ngawta Azerbaijan an hnehna inkhelah hliam a tuar a, minute 36-na lekah malpui na vangin lak­chhuah a ngaih phah. A hliam rei zawng tur hi tarlan a la ni lo.

Germany hian Group C-a match 10 an khelhah hnehna an chang fai vek a, kum 2010-a Spain-in hnehna chang vek chunga World Cup an inpetkai hnua European team zinga 100% chak record nei chunga inpetkai leh hmasa ber an ni.

Kaiserslautern-a inkhelah hian Schalke midfielder Leon Goretzka chuan goal hnih a khung a, Sandro Wagner, Antonio Rudiger leh Emre Can te chuan goal khat ṭheuh an khung bawk - Hoffenheim forward Wagner hi kum 1978-a Ronald Worm hnua Germany tana a match hmasa pangaa goal khung vek thei hmasa ber a ni.

Group C inkhel dang­ah Northern Ireland chuan 1-0 in Norway ngam lo mah se pahnihna erawh an ni chiang tho a, playoff an khel ang.