MPL6-ah goal 87 a lut tawh

11th October, 2017

Mizoram Premier League Season 6-ah goal a lut tam tawh a, team pariat dinhmun erawh an la inthlau lo. Team dinhmun aṭangin champion tur a hriat loh a, semifinal khel tur leh tla tur pawh rin thiam a la harsa. October thlaah tualchhung transfer a inhawn chiah avangin match sarih khelh hmabak a hmuhnawm dawn a, tun ṭumah erawh an khelh tawh chin kan thlir let ang.

Goal 87
MPL6-ah goal 87 a lut tawh a, match tina goal 3.63 lut zel ang a ni. Season liam ta khan match sarih khelh a nih zawh khan goal 63 a lut thung a, goal hi inkhel hmuhnawm tehna atana hman tur a nih chuan tun season hi a entlak hle tihna a ni.

Amaherawhchu, MPL4 kan hrut thleng a nih chuan season linaah khan goal 87 tho a lut a, MPL3-ah phei chuan goal 97 lutin MPL2leh MPL1-ah erawh goal 68 ve ve round 7 thlengin a lut thung.

Player 49
MPL6-a mahni team tana goal khung tawh zat chu player 49 an ni a, mahni lama ti goal mi paruk an awm tawh bawk. Own goal tawh zingah Chhinga Veng captain Lalrinchhana Tochhawng, Aizawl FC defender Kareem Omolaja, Dinthar FC captain Malsawma Chhangte leh Ramhlun North midfielder Rosangliana ten an club tan goal an khung tel bawk.

Aizawl FC leh Bethlehem Vengthlang player zingah mi pariatin goal an khung tawh a, Chhinga Veng leh Chanmari FC player pasarih ve vein goal an khung a, Dinthar FC leh Mizoram Police player zinga panga ve vein goal an khung a, Chanmari West leh Ramhlun North player zingah mi pali ve ve chauhin goal an khung. Tun dinhmunah AFC leh BVT ten goal khung thei player an ngah ber tihna a ni.

Tlarhnung phui
Chanmari FC-in match sarih aṭangin goal li chauh an la chhuah a, MPL6-ah goal an chhuah tlem ber.

Mizoram Police erawhin goal 22 tehmeuh an chhuah tawh a, goal chhuah tam ber an ni thung.

League hmahruaitu Chhinga Vengin an tlar hmaah player an nei ṭha tih a chiang a, goal 18 zet an khung. Chhingcows hi goal khung lama anmahni hnaih bertu Aizawl FC (13 goals) aiin goal sarihin an khung tam a, an inthlauhna hi goal khung tlem ber Chanmari West goal khung zat chiah a ni.

Sawmfela hun?
Mizoram football inelna sang berah Mizo striker ṭha ber zinga mi Malsawmfela'n top scorer lawmman a la dawng ngai lo a, Ramhlun South tlangval hian MPL3-ah top scorer Mizoram Police striker Lalbiakhlua khung zat goal 9 a khung tawh a, MPL5-ah tuna season-a a teammate Laldampuia khung zat goal goal 11 tho a khung thung.

Tun season-ah Chhinga Veng FC forward Sawmfela'n goal ruk a khung a, amaherawhchu elpha tu a nei. Ramhlun North forward Lalremruata chuan goal ruk tho a khung.

Hei chauh hi a ni lo, MPL season khata goal la khung tam ber (goal 13) F. Lalrinpuia'n tun season-ah goal li a khung tling tawh a, Aizawl FC rawlthar duhawm Jonathan Lalrawngbawla pawhin goal li tho khung tawhin heng striker ṭhate hian Sawmfela top scorer nih hun hi sawnsak an châk leh khawp ang.

Ṭhuamluaia Mual
Lungleia khelmual ṭha ber Ṭhuamluaia Mual hi Aizawl pawna MPL khelh vawi hnihna tur a ni a, season liam ta khan Champhaiah MPL round 7 khelh a ni.

Chhangphut Field-ah MPL match li khelh niin goal 15 a lut a, MPL5 round 14 zinga goal luh tamna ber a ni. Lungleiah pawh hian result barakhaih a awm lo ang tih a sawi theih loh. Champhaiah Chanmari FC-in hmahruaitu Bethlehem Vengthlang an hneh a, Lungleiah champion lai hian hmahruai mektu Chhinga Veng hneh an tum dawn.

Foreigner thar nei Ramhlun North leh semifinal khelh ngei tum BVT an intum tawk dawn, hei hi ni khatna chauh a ni.

Ni hnihnaah Dinthar FC-in coach thar Vanlalrova hnuaiah MPL1-a anmahni champion puitu coach HC Zarzoliana enkawl Chanmari West an hmachhawn dawn. A tawp kharna hi en a châkawm - Lammualah Aizawl FC-in 6-1 in Mizoram Police an sawp a, Police hian coach thar Lalbiaksanga Colney hnuaiah I League champion lakah hian phuba lak an tum dawn a ni.

ROUND 1 (Goal 11)
August 31, Ningani
Ramhlun North 1 - 1 Aizawl FC
RNFC : Lalliansanga (Notea) 12'
AFC : Jonathan Lalrawngbawla 35'
MoM : Lalliansanga (Notea), RNFC
Bethlehem VT 2 - 1 Chanmari West FC
BVT : Lalrammawia 27'; Vanlalthanga 62'
CWFC : H. Lallianzama 35'
MoM : Lalrammawia, BVT
September 1, Zirtawpni
Dinthar FC 0 - 1 Chanmari FC
CFC : Jakob Vanlalhlimpuia 65'
MoM : Joseph Lalnunpuia, CFC
Mizoram Police FC 1 - 4 Chhinga Veng FC
MPFC : F. Lalrinpuia 20'
CVFC : Laldampuia 39'; Malsawmfela 44', 90+2'; R. Malsawmtluanga 67'
MoM : R. Malsawmtluanga, CVFC
ROUND 2 (Goal 10)
September 7, Ningani
Mizoram Police 1 - 1 Bethlehem VT
MPFC : F. Lalrinpuia 47'
BVT : PC Laldinpuia 37'
MoM : PC Laldinpuia, BVT
Ramhlun North 2 - 1 Dinthar FC
RNFC : Malsawma Chhangte 41’ (OG); Rosangliana 58’
DFC : R. Lalthantluanga 15’
MoM : Lalramzauva, RNFC
September 8, Zirtawpni
Chanmari West 0 - 3 Chhinga Veng
CVFC : Vanlallawma 53'; R. Malsawmtluanga 63'; Malsawmfela 67'
MoM : R. Malsawmtluanga, CVFC
Chanmari FC 1 - 1 Aizawl FC
CFC : Lalmuanzuala 26'
AFC : David Lalrinmuana 45'
MoM : Lalmuanzova, CFC
ROUND 3 (Goal 16)
September 14, Ningani
Chanmari FC 4 - 1 Mizoram Police FC
CFC : Rochhingpuia 48’(P); Vanlalbiaa Chhangte 58’; Joe Zoherliana 60’; Lalmuanzova 90+1'
MPFC : Lalsangbera 66’ (P)
MoM : Lalthasiama, CFC
Chanmari West FC 2 - 1 Ramhlun North FC
CWFC : Jacob Lalrawngbawla 7'; Lalromawia 86'
RNFC : Lalremruata 45'
MoM : Lalromawia, CWFC
September 15, Zirtawpni
Dinthar FC 2 - 2 Bethlehem VT
DFC : Jackson Victor 45+1'; Malsawma Chhangte 84' (P)
BVT : Laldinliana Varte 41'; Ramengmawia 61'
MoM : Jackson Victor, DFC
Aizawl FC 2 - 2 Chhinga Veng FC
AFC : K.Lalthathanga 19'; Jonathan Lalrawngbawla 49'
CVFC : Malsawmfela 7'; Lalhriatrenga 37' (OG)
MoM : Zothanmawia, CVFC
ROUND 4 (Goal 10)
Semptember 18, Thawhtanni
Chanmari West 1 - 0 Aizawl FC
CWFC : Lalremruata 74'
MoM : Lalremruata, Chanmari West
Dinthar FC 3 - 2 Mizoram Police
DFC : Lalbiakhlua 45+3'; R. Lalthantluanga 53'; Jackson Victor 74'
MPFC : Lalramtharmawia 16' (P), 84' (P)
MoM : Jackson Victor, MPFC
September 19, Thawhlehni
Chhinga Veng 2 - 0 Bethlehem VT
CVFC : MS Dawngliana 45', 64'
MoM : MS Dawngliana, CVFC
Chanmari FC 2 - 0 Ramhlun North FC
CFC : Vanlalbiaa Chhangte 51'; Lalfelpuia 90+1' (OG)
MoM : Vanlalbiaa Chhangte, CFC
ROUND 5 (Goal 13)
September 21, Ningani
Aizawl FC 6 - 1 Mizoram Police
AFC : Rochharzela 9', 36', 63'; Hmingthanmawia 35'; Alfred Kemah Jaryan 80'; Jonathan Lalrawngbawla 87'(pen)
MPFC : Kareem Omolaja 78'(og)
MoM : Rochharzela, AFC
Dinthar FC 1-1 Chanmari West FC
DFC : Lalnunpuia 39'
CWFC : Vanlalthlamuana 90+5'
MoM : H.Lalhlimpuia, CWFC
September 22, Zirtawpni
Bethlehem VT 2 - 1 Ramhlun North
BVT : Laldinliana Varte 16'; Vanlalzuia Hnamte 85'
RNFC : Lalremruata 46'
MoM : P.C.Laldinpuia, BVT
Chhinga Veng FC 1 - 0 Chanmari FC
CVFC : Lalkhawpuimawia 59'
MoM : Lalrinchhana, CVFC
ROUND 6 (Goal 12)
September 28, Ningani
Aizawl FC 3 - 0 Dinthar FC
AFC : Kareem Omolaja 38'; Jonathan Lalrawngbawla 39'; H. Lalmuankima 88'
MoM : K. Lalṭhathanga, AFC
Mizoram Police 2 - 1 Chanmari West
MPFC : Lalfakzuala 23'; F. Lalrinpuia 85'
CWFC : Jacob Lalrawngbawla 24'
MoM : VK Malsawma, MPFC
September 29, Zirtawpni
Ramhlun North FC 3 - 3 Chhinga Veng FC
RNFC : Lalremruata 3'; V. Lalchhuanawma 83' (P), 89' (P)
CVFC : Lalkhawpuimawia 14'; Laldampuia 17'; Lalrinchhana Tochhawnga 90+2'
MoM : Lalrinfela, RNFC
Bethlehem VT FC 0 - 0 Chanmari FC
MoM : F. Lalmuanawma, CFC
ROUND 7 (Goal 15)
October 3, Thawhlehni
Chanmari West FC 1 - 1 Chanmari FC
CWFC : Jacob Lalrawngbawla 77'
CFC : Lalthasiama 33'
MoM : Lalromawia, CWFC
Bethlehem VT FC 2 - 0 Aizawl FC
BVT : MS Dawngzela 36'; Ramengmawia 45+2'
MoM : Lalrammawia, BVT
October 4, Nilaini
Chhinga Veng 3 - 1 Dinthar FC
CVFC : Malsawmfela 58', 90'; Laldampuia 90+4'
DFC : Lalrinchhana Tochhawng 81' (OG)
MoM : R. Laldinliana (CVFC)
Mizoram Police FC 4 - 3 Ramhlun North FC
MPFC : F. Zosangliana 35'; F. Lalrinpuia 42'; Rosangliana 56' (OG); Lalfakzuala 59'
RNFC : Lalremruata 19', 21', 73'
MoM : F. Zosangliana, MPFC