Zaninah TFL chhunzawm dawn
GIG Motors Taekwondo Fight chu zanin hian Electric Veng YMA Hall-ah khelh chhunzawm a ni dawn a, Zopa Goldsmith Chawnpui, Aizawl Taekwondo Academy Electric Veng Fighters leh Chalkunga Memorial Taekwondo Club Hlimen Rollers-ten a vawi khat nan chak an tum dawn.
Kar hmasa Zirtawpni zan khan match hmasa khelh a lo ni tawh a, team paruk inlan kim nghal vekin champion lai Ramhlun Sporting Club Fighters, Kolasib Fighters leh Armed Veng Warriors an chak a, point thum an hmu nghal.
Player lakluh nana sum hmang tam ber Kolasib-in round khatnaah sum seng tlem ber Hlimen hmachhawnin 66-51 in an hneh. TFL hmasa bera pahnihna Kolasib-in Armed Veng hmaah title la tur khawpin theihna an nei em tih fiahna an hmachhawn zui dawn.