Mizoram-in group stage paltlang

National Sub Junior Basketball Championship 2017 khelh mekah Mi­zoram chuan an khing­puite hneh vekin Pool D hmahruaitu an ni a, level 1 a inhlangkai thei dinhmunah an ding.

Mizoram khelh national championship hi level 2 a ni a, he championship-ah hian pool pali te chu chu level 2 team te niin pool hnih chauh chu level 1 team an ni. Level 2-a pool tina pakhatna ṭheuhte an intum ang a, a chak team-ten level 1 an zawm ve ang.

Mizoram hian level 2 final-ah Tamil Nadu an hmachhawn tura ngaih a ni a, an chak a nih chuan level 1 team kaiin intihsiakna an hmachhawn zui leh thei dawn tihna a ni.

Didwana, Rajasthan-ah nimin khan Mizoram team hian pool match hnuhnung nimin khan khelin Chandigarh chu 41-39 in an hneh hram a, Thawhtanni khan Kerela chu 54-38 in an hneh tawh bawk.

Mizoram coach K.C Lalliantluanga chuan endiktu lam duh khawp lohna a len thu leh heti chunga a nauten inrintawkna an neih belh zel thu te, ṭha taka an khel thei ṭhin chu an hmasawnna a ni tih a sawi.