Goal khatin Italy an chak

Italy chuan World Cup qualifier-a an match hnuhnung berah Albania chu khualmualah si khat faiin an va luhchhuah, goal awm chhun hi minute 73-naa Antonio Candreva-a'n a khung a ni.

Group G-ah Israel 1-0 a hnehtu Spain chu hmahruaitu an ni a, Azzurri hi match 10-na an khelh hma hian playoff khel turin an tling chiang tawh bawk.

Italy coach Giampiero Ventura chuan, "Khelmual chhungah hma­sawna hmuh tur awm mah se duhthusam erawh kan la ni lo hle. Playoff kan khel dawn a, team ṭha nen kan inkhelh dawn avangin hmasawn kan mamawh," tiin a sawi.

Group tin aṭangin pakhat an tling a, pahnihna tan playoff khelh a ngai. Italy hian playoff-ah khawi ram nge an hmachhawn dawn tih a la chiang lo, October 17 hian Zurich-ah draw neih a ni ang.