Number 1 Alcaraz a chak lo

Carlos Alcaraz chuan world number 1 a nih hnua a singles match hmasa ber a khel a, chak tura rinkai zawk ni mah se David Goffin lakah 7-5, 6-3 in a chak lo nghal - Astana Open last 32 aṭanga paih chhuah a ni.

US Open champion Alcaraz hian season a hmang ṭha, a chak loh pawhin set khat tal a la ṭhin. Mahse, tunah erawh nikum November thla hnua a vawi khat nan set la miah loin a tlawm, a tan chuan result theihnghilh nghal tlak a ni ang.

Spanish rawlthar Alcaraz chuan, "Goffin kha a khel ṭha em em a, na taka min rawn nawr kha lo dawnsawn dan ka thiam tawk lo a ni. Chawlh hahdam deuh vang vang hnua tournament hmachhawn leh thut chu a awlsam lo," tiin a sawi.