India an chak lo

India-in South Africa lakah series la mah se match hnuhnung berah an chak lo. T20 match thumna hi Holkar Stadium-ah khelh a ni a, mikhual Proteas hian 49 runs-in hnehna an chang.

India-in vawm hmasak an thlang a, an tifuh lo. South Africa opener Quinton de Kock-a'n 68 runs a siam a, Rilee Rossouw-a'n thi loin ball 48 lekah 100 runs a siam bawk avangin 227/3 runs tehmeuh an siam.

Men in Blue tan target a sang mah mah a, Virat Kohli a tel loh bakah captain Rohit Sharma (0) leh Suryakumar Yadav (8) te an chet ṭhat loh avangin 178 runs an siam tihin an thi fai vek.

October thla hian Australia-ah T20 World Cup chu khelh ṭan a ni tawh dawn a, India hi champion rinkai ni mah se bowling lamah an insiamṭhat ran loh chuan champion a harsa ang.

Match thumnaah hian century siamtu Rilee Rossouw chu player of the match-a thlan a ni a, player of the series-ah erawh India batter Suryakumar Yadav chu thlan a ni thung.