Mizo boxer-te an che ṭha

National Games 2022-ah boxing inelna chu nimin aṭang khan Gandhinagar-ah an khel ṭan a ni a, inelnaah hian Mizoram aiawhin mipa boxer pathum leh hmeichhe boxer pahnih an tel.

Nimin khan mipa boxer Lallawmawma Bakah hmeichhe boxer Rebeca Lalinmawii leh Kroshmangaihsangi ten hnehna an chang. C. Lalduhawma erawh a vanduai thung. Nimin khan Tuipui tlangval Lallawmawma chuan feather weight (54–57 Kg)-ah Rajasthan boxer Jitendra Chaudhary chu unanimous decision (5-0) in an hneh a, quarterfi nal a lut.

October 9, Pathianni tlai dar 4:00-ah a inlan leh ang. M u t h i n u l a R e b e c c a Lalinmawii chuan flyweight (50–52 Kg)-ah Meghalaya aiawh Eva Wanie Marbani chu majority decision (4-1) in an hneh ve bawk. Rebecca hian October 9, Pathianni tlai dar 3:15 hian Haryana boxer Minakshi nen quarterfi nal-ah an inhmachhawn ang.

Light weight-ah Saron Veng nula Kroshmangaihsangi chuan Chattisgarh boxer Ku Rajbala chu unanimous decision (5-0) in a hneh. Saron Veng nula hian October 9, Pathianni tlai dar 4:30 hian Rinky Sharma (Uttar Pradesh) leh Simranjit Kaur (Punjab) inhneka chak zawk a hmachhawn leh ang.

Durtlang Leitan tlangval C. Lalduhawma chuan nizan khan Sumit Pooniya a hmachhawn a, a chak loh avangin fi rst round-ah a tla. Middleweight inelnaah Lunglei Electric tlangval Malsawmtluanga a tel a, October 8, Pathianni hian first round-ah Gujarat boxer Sahil Aslambhai Nilgar a hmachhawn ang.

Mizoram boxer-te hi coach pahnih Lalfakzuala (SYS), Chanmari Lunglei leh B. Lalhriatpuii, Nursery ten an hruai a ni.