Europa League-ah Mourinho hote an inpêt tling

Premier League tawp zanah Crystal Palace-in Tottenham Hotspur chelh mah se Jose Mourinho hoten Europa League an khel dawn. Spurs hi Mourinho club hlui Chelsea puihna an dawng a, Blues-in London club elpui Wolves an hneh a, Europa League an khelh theih phah.

Selhurst Park-ah Harry Kane hmangin minute 13-naah Spurs-in hma an hruai a, Palace-in Jeffrey Schlupp hmangin an sut a, goal dang a lut tawh lo. Inkhelh banah Jose Mourinho chuan, "Europa League kan khelh theih avangin mimal tak pawhin ka lawm hle," tiin a sawi a, inkhelh zawh chiaha mual sira an chet danin a thusawi dikna hi a nemnghet.