Del Potro-a'n third round a lut

Shanghai Masters khelh mekah Juan Martin del Potro chuan third round a inhlangkai. Thawhlehni zan khan Del Potro hian Russian tlangval Andrey Rublev chu 6-3, 6-4 in a hneh a ni.

Argentine tlangval Del Potro hi hun rei tak a ban rek na vangin a inkhel mumal thei lo reng ṭhin a, a dam hnuah erawh player hlauhawm berte zinga mi a ni chho leh thei. US Open-ah pawh khan semifinal lutin Rafael Nadal a hneh lo thung - a bik takin hard court bikah chuan zuam sual theih a ni.

Inkhel dangah US Open champion hlui Marin Cilic chuan Kyle Edmund chu 6-3, 7-6 (5) in a hneh a, South African star Kevin Anderson pawhin Adrian Mannarino 6-3, 6-1 in a hneh ve bawk.

China-ah khua a lum a, Europe player ṭhenkhat ten inkhelh harsa an ti hle. Inkhel inhnehtawk takah John Isner chuan Dusan Lajovic 4-6, 7-6 (5), 7-6 (6) in a hneh hram a, American Ryan Harrison pawhin khawtual tlangval Zhang Ze 6-2, 6-3 in a hneh bawk.