India team manager zingah Mizo

Mizoram Badminton Association honorary secretary H. Lalnunsiama (Mama) chu khawvel badminton inelna hrang hrang pathum October thlaa neih turah India team manager zingah ruat a ni.

Inelna pathum hi Yonex Dutch Open 2017, Danisa Denmark Open 2017 leh Yonex French Open 2017 te a ni a, senior open vek a ni. Nimin khan India aiawh te hian inelna hmasa ber neihna tur hmun Netherlands an pan.

India shuttlers ṭha PV Sindhu, Srikanth, Ashiwni Ponnappa, Manu Attri, Sumeeth Reddy, Chirag Shetty te chu inlan tur zingah an tel a. India chief national coach Pullela Gopichand chuan India Shuttlers te hi a enkawl ang.