UFC Fight Island 3 Darren Till ngamtu Whittaker

Nimin UFC fight hmuhnawmah middleweight champion hlui Robert Whittaker chuan unanimous decision (48-47, 48-47, 48-47) hmangin Darren Till a hneh a, Till chuan, "Champion hlui lakah fight ṭha tak ka hmachhawn thei a ni," tiin tlawm mah se lawmna tur a hmuh thu a sawi. 

Till-a ngam loh tak Whittaker hian October 2019 khan a fight hnuhnung ber hmachhawnin UFC middleweight kawnghren a kawl lai chu Israel Adesanya lakah a hloh a, round hnihnaah a tlawm - middleweight-a luh hnua a tlawm hmasak ber a ni. 

Kum 29 mi fighter hian Till lakah erawh tlawm a tum lo - a tir aṭangin fight hmuhnawm a pho chhuak a, a tawpah a phu ang ngeiin hnehna a chang. Vawi 26 fight-a hmachhawnah vawi 21-a chakna a ni a, vawi nga a tlawmna chiah a ni bawk. 

Hetihlai hian nikuma Whittaker ngamtu Israel Adesanya chuan tlawm mah se Darren Till hmachhawn a châkna a la reh loh thu a sawi a, UFC middleweight champion lai chuan, "Till hi ka la hmachhawn châk reng a, a hnekchhuahte kha mawi ka ti hle. Darren hnual hauh suh," tiin social media lamah a ziak.