Second round-ah Djokovic a lut

Novak Djokovic chuan straight set hmanga Cristian Garin hnehin Astana Open second round a inhlangkai. Serbian star hian hnehna chang turin darkar khat leh minute hnih chiah a mamawh.

World number 7 Djokovic hi 6-1, 6-1 in a chak, set hnih khelh chhunga game hnih chiah a hloh avangin a khel ṭha hle tih a chiang. A match lehpekah chuan Dutch tlangval Botic van de Zandschulp a hmachhawn leh ang.

Inkhel danga Marin Cilic pawh a chak. Tel Aviv Open final-a chak lo hlim Cilic hian German player Oscar Otte chu 5-7, 7-6 (7-4), 6-2 in a hneh a, theih ni se chuan round sang zawkah kar hmasa lama a ngam loh Djokovic nena intawn leh a, hnehna chan a châk khawp ang.

Seeded pathumna Stefanos Tsitsipas chuan quarterfinal a lut der tawh. Second round inkhelah Greek tlangval hian Luca Nardi chu 7-6 (7-2), 7-6 (7-3) in a hneh a, tun ṭumah hian champion tura rinkai a ni.