US Open hnuah Swiatek a chak ta

Iga Swiatek-i'n US Open nomawi a chawi hnua tournament a khel lo vang vang a, tunah khel ṭan ve lehin hnehna a chang. Nilaini zan Ostrava Open last 16 inkhelah world number 1 hi a chak.

Centre Court-ah Swiatek leh Ajla Tomljanovic te an inhmachhawn, Polish nula Swiatek hi 7-5, 2-2 in a chungnung hret, player pahnih an inkhel tawk hle. Set hnihna an khelh laklawh laiin Australian player zawk hi a khup hliam vangin a inkhel zui thei lo.

Kum 21 mi Swiatek chuan, "Inkhel hautak tak a ni a, a khel zo thei ta lo kha pawi ka ti hle, dam leh thuai turin duhsakna ka hlan. US Open hnuah chawlh ka nei rei a, ngaiawh leh turin kei pawhin hun ka mamawh," tiin a sawi.

Quarterfinal-ah chuan Swiatek hian American mi Caty McNally leh Karolina Muchova inkhela chak zawk a hmachhawn leh ang.