Walker dinhmun a chiang lo

Manchester City manager Pep Guardiola chuan a defender Kyle Walker chu dul hliam vanga a chawlh mek thu a sawi a, a lo kir hun tur a sawi mai theih loh avangin England defender hi World Cup atan a dinhmun a chiang lo.

Man City defender hi Manchester United nen an inkhelh ṭumin a hliam, minute 41-naah thlak a ni. World Cup hmain chawlhkar ruk vel bak hun a awm tawh si lo, a inlan lo a nih chuan ram tana a hun ṭha a liam tia sawi theih a ni ang.

Kum 32 mi Walker chungchang sawiin Guardiola chuan, "A chawlh chen tur ka sawi thei lo, vanneih tlak takin Kalvin Phillips angin rei tak a nih loh hram kan beissei. World Cup hi player zawng zawng tan a pawimawh, mahse tunah chuan sawi chian theih a ni lo," tiin a sawi.

World Cup khel turin Gareth Southgate-a'n player 26 a hruai dawn. England hian November 21-ah an match hmasa ber an khel dawn a ni.