Haaland chauh ven chi a ni lo - Saints boss

Southamton manager Ralph Hasenhuttl chuan Manchester City-in Erling Haaland lo pawh player ṭha an ngah thu a sawi a, Norwegian striker chu ven bik a thiang lo tih nimin tlai khan a sawi.

Southampton hian October 8, Inrinni zan dar 7:30 hian Manchester United mualphona hmun Etihad Stadium an tlawh dawn a, Austrian manager Hasenhuttl inkhel tur chungchang a thlirlawk.

S a i n t s m a n a g e r Hasenhuttl chuan, "Man C i t y - a h h i a n E r l i n g Haaland hi dah bo ta la, player ven tur ṭhahnem tak an la awm. Amah chauh kan veng a nih chuan kan chak dawn lo.

Etihad Stadium-ah hian eng nge kan theihna tih kan lantir dawn a, kan tan chona lian tak a ni," tiin a sawi.

Haaland chungchang sawi chhunzawmin H a s e n h u t t l c h u a n , "Player ṭha takin team ṭha tak a zawm a, a khel ṭha nghal hi thilmak a ni lo. A khelhna team apiang tan goal a khung a, Man City tana goal a khung lohna chhan tur a awm lo. Hei erawh ka sawi tel duh. City hi kan hlau lo a, kan huaisenzia lantir kan duh a, anni laka hlawhtlin hi kan duh," tiin Norwegian striker a fak a, City an hlauh loh thu a sawi tel bawk.