U17 WC khel turin India an inpeih

India chuan October 11 aṭangin Under 17 Women's World Cup a thleng dawn a, head coach Thomas Dennerby chuan player-te chu inelna hmachhawn tura an inpeih tawh thu a sawi.

India team hi February thla laihawl aṭangin an inbuatsaih ṭan a, training session hrang hrang vawi 250 vel zet an nei tawh. Dennerby chuan, "Kan inpeih tawhin ka hria. Rilru leh taksaah kan inpeih tawhin ka hria a, kan khelh dan turah pawh kan chiang tawh," a ti.

India hi group A-ah United States, Morocco leh Brazil te nen an awm a, inelna thlengtu hian October 11 zan dar 8:00 hian USA an hmachhawn ang.