West Ham an la chak vek

Europa Conference League-ah West Ham-in Anderlecht 1-0 in an hneh a, match thum khelh tawhah la chak vekin group hmahruaitu an ni. Constant Vanden Stock Stadium-a inkhelah English club tan Gianluca Scamacca-a'n minute 79-naah goal awmchhun a khung.

Italian club Sassuolo aṭanga Hammers zawmtu Scamacca hian a theihna a lantir chho ṭan a, Europa League-ah goal li khung tawhin Premier League match hnuhnung bera Wolves 2-0 a an hneh ṭumin goal hmahruai a khung bawk.

Hammers hi Europe-ah che ṭha mah se Premier League-ah erawh vawi hnih chauh an la chak a, match riat khelh tawhah point sarih chauh hlawh chhuakin table-ah 15-naah an awm. David Moyes-a hote hian October 9, Pathianni zan dar 6:30 hian Fulham an mikhual ang.