Alonso-a'n coach hna ṭan dawn

Liverpool legend Xabi Alonso chuan zanin aṭangin Bayer Leverkusen enkawl hna a ṭan dawn a, BayArena-ah Schalke 04 an mikhual ang. Bayer hian tun season-ah result ṭha an neih loh avangin manager Gerardo Seoane an ban a, October 5 khan Alonso hi an lakluh thu an puang.

Kum 40 mi Alonso hian Bayer a enkawl hma hian Real Madrid U14 leh Real Sociedad B te a enkawl tawh a, German club hi team puitling a enkawl hmasak berna tur a ni. Spain international midfielder hlui hi Germany-ah a mikhual lo a, Bayern Munich tan season thum khelin league nomawi vawi thum a chawi a, Bundesliga a hre chiang ang.