Golden Glove dawngtu Man City keeper Ederson

Manchester City goal-keeper Ederson kutah Golden Glove hlan a ni. Brazilian keeper hian Premier League season hman zawh takah clean sheet vawi 16 neiin a chungnung ber.

Match hnuhnung ber khelh hmain Manchester City keeper Ederson leh Burnley keeper Nick Pope ten clean sheet vawi 15 ve ve an nei. Burnley-in Brighton lakah an goal an venhim theih loh laiin City erawhin an humhim thung.

Ederson-a'n match 35 a khel a, Wolves an hneh loh ṭum­in hnawhchhuah a ni. Match hnuhnung berah hian Norwich tana winger Onel Hernandez goal khung chu Video Assistant Referee vangin hnawl a ni a, keeper Ederson-a'n Hernandez khung tur hi ṭha zeta dansak lehin chawimawina a dawn theih phah.

Lawmman dawng lo mah se Pope sulhnu a nep lo. Premier League match 38-ah Pope a inlan kim vek a, match a khel kim a ni satliah lo; minute a khel kim vek!