Goal khung tam ber Vardy

Jamie Vardy chuan Premier League goal 23 khungin Golden Boot a dawng, a hnuai chiahah hian goal 22 khungtu Pierre-Emerick Aubameyang leh Danny Ings te a awm.

Kum 2015-16 season khan Vardy hian gooal 24 a lo khung tawh, mahse he mi season hian goal 25 khung thei Harry Kane a awm avangin pahnihna a ni, kuminah erawh a chungnung ber - goal 23 a khung zinga pali chu penalty aṭanga a thun a ni.

Nizan khan Auba-a'n Watford lakah goal hnih khungin English striker hi a hnaih hman viau a, English striker Ings pawhin penalty hmangin goal khat a neih belh bawk. Mahse, a chung bera awm Vardy tluk turin goal dang an neih belh thei lo.

Season hmasa khan Mohamed Salah, Sadio Mane leh Aubameyang ten lawmman an dawng a, Reds forward pahnih hi match hnuhnung ber khelh zan hian bench lamah dah an ni a, Mane-a'n goal khat neih belh hram mah se an chunga mite an umphak ta lo a ni.

#    Player                                Club                                Goals

1    Jamie Vardy                    Leicester City                23

2    Aubameyang                    Arsenal                        22

2    Danny Ings                        Southampton                22

4    Raheem Sterling                Manchester City            20

5    Mohamed Salah                Liverpool                        19

6    Harry Kane                        Tottenham     Hotspur    18

6    Sadio Mane                        Liverpool                        18

7    Raul Jimenez                    Wolves                        17

7    Anthony Martial                Manchester United        17

7    Marcus Rashford            Manchester United        17

11 Sergio Aguero                Manchester City            16

12 Tammy Abraham            Chelsea                        15