Futsal League khel tur a hriat ta

Nimin khan MFA Futsal League khel tur zawnna playoff chu RG Stadium, Mualpuiah khelh zawh a ni. Inelna ṭantirh lama che ṭha tak Muthi club Benedict Memorial FC chuan an match hnuhnung berah Dawrpui Spartans an draw avangin Futsal League an khel ve dawn ta lo.

Group A aṭangin Whet Stone FC (Ramthar), FC Thyristor (Ramhlun Venglai), Samuel FC (Armed Veng South), Dawrpui Spartans, Futsal Club Bungkawn, Zothan Futsal (Chanmari), Lalluaii FC (Electric Veng) leh Team Gideon (Kanan) te an tling.

Group B aṭangin LM Futsal Club (Durtlang), Chhinga Veng FC, DSZ Saron, Ramhlun South FC, Laipui FC (Laipuitlang), Lawmna FC (Dinthar), Hmingsanga FC (Ram­hlun North) leh Bawngkawn FC te an tling tawh bawk.

Nimin Inkhel Results
FC Thyristor 2 - 7 Zothan FC, Chanmari
Futsal Club Bungkawn 2 - 5 Samuel FC
Benedict Memorial FC 3 - 3 Dawrpui Spartans
Lalluaii EFC 3 - 0 CK Futsal
Chawnpui Futsal Club 4 - 8 IDBI Capital FC
Otei FC 2 - 5 Team Gideon, Kanan