Australian team hnenah India fan-ten ngaihdam dil

Thawhlehni zan khan T20 series match hnihnaah India chuan wicket riatin Australia an ngam lo a, Indian fans ṭhenkhat thinrimin inkhelh zawh hnuah Australia team bus an nei. An thlenna hotel pana tlan lai Australia team bus hi lunga vawm a ni a, hliam erawh an awm lo.

He thil thleng chungchangah hian Guwahati-a Indian cricket team fans ṭhenkhat chuan Australian team hnenah ngaihdam an dil a, banner nen Aussie ho hnena an ngaihdam dilna hi an pholang a ni.

T20 series-ah India leh Australia hi 1-1 in an inhnehtawk mek a, zanin dar 7:00-ah an match thumna khelin he inkhela chak zawk hian series an la thei dawn a ni. India leh Australia hi ODI series-ah an intum tawh a, India hi 4-1 in an chak. Australia hian T20 tal lak tumin theihtawp an chhuah ang.