Nick Kyrgios an hrem

Nilani khan Nick Kyrgios chu tennis court chhungah infiammite chet dan tur lo ang taka a chet avangin £7,573 (Rs 6,52,965) chawitir a ni.

Shanghai Masters first round-ah Kyrgios hi Steve Johnson nen an inkhel a, set khatna chu tie break hmangin a hloh a, set khatna an khelh lai hian court pawnah ball vawi hnih a vuak chhuah luih avangin zilh a ni a, set a hloh hnuah court a chhuahsan - inkhel entu lamin an auel nasa hle.

Australian tlangval hian theihna nei sang viau mah se a nungchang mawi lo vang hian mipui ṭan a hlawh lo a, a thlen san tur ang pawhin a sang thei lo. Tun tournament aṭanga a sum hmuh tur pawh pek a ni dawn lo.

Kar hmasa khan Kyrgios hian China Open final a lut a, hmanni lawka service nei ṭha tawk lo tia a sawi Rafael Nadal nen an intawng. Nadal hian amah ngaineptu lakah zahngaihna a lantir lo, 6-2, 6-1 in a sawp a ni.