Sihphir an chungnung

Nimin khan Reliance Foundation Youth Sport 2017 chu Aizawlah zawh a ni a, Senior Boys-ah Sihphir an champion. Tun ṭumah hian kum 16 hnuai lam tan (Junior Boys), kum 18 hnuai lam tan (Senior Boys) leh kum 23 hnuai lamte tan (College Boys) inelna siam a ni.

Junior Boys-ah hian Govt. KVM High School leh Govt Chaltlang High School te an intum a, Chaltlang hian 2-1 in hnehna an chang. Senior Boys inelnaah Sihphir Higher Secondary School chuan Govt. Chaltlang Higher Secondary School chu si hnih fai in an hneh bawk a, College Boys-ah Govt. T. Romana College chuan an tumpui Govt Aizawl West College chu 6-2 in an hneh bawk a ni.

Aizawl Champion te hian Shillong-a Zo­nal qualifier khelh tur­ah Shillong, Imphal, Guwahati, Jamshedpur leh Kolkata champion te nen an in el ang a, khawpui paruk champion te aṭang hian team pathum chu Reliance Foundation Youth Sport National inelna khel turin an tling ang.