Vettel a beidawng lo ang - Rosberg

Formula 1 world cham­pion ni chunga intlan­siak chawlhsantu Nico Rosberg chuan tun season kal laia Sebastian Vettel leh Lewis Hamilton te inelna a la tawp loh thu a sawi a, a bik takin Vettel chu a beidawn a rin loh thu a sawi.

Intlansiak hmabak pali bak an nei tawh lo a, Mercedes driver Hamilton hian Vettel lakah point 59 zetin hma a hruai fal tawh a ni. Intlansiak paliah hian pakhatna ni vek tan chuan point 100 hmuh theih a la ni.

Kum 32 mi Rosberg chuan, "Ferrari hi huaisen takin an elpuite an bei let ṭhin, Vettel pawh hian bei­dawng loin inelna a hmachhawn zel dawn tih ka chiang. Hnehna chang tur chuan thil mak a thlen a ngai tawh a, chu pawh chu an beisei ngam ang," tiin a sawi.