Konta beiseina a tawp

Season tawpah tennis world ranking-a a sang pariat ten WTA Finals an khel ṭhin a, British number 1 Johanna Konta chu he hunah hian a inlan ve phak dawn lo tih a chiang ta.

Kum 26 mi Konta hi tun dinhmunah world number 10 a ni a, Kremlin Cup-ah champion nise chuan WTA Finals khel thei dinhmunah a ding. Mahse, Konta hi a kephah hliam vangin Moscow-ah a inlan thei lo a, ranking lamah hmasawn a beisei thei ta lo bawk.

Konta chuan, "Singa­pore-ah inkhelh ngei ka duh a, inlan thei turin nasa takin ka bei bawk. Mahse, hliam ka neih avangin ka duh leh beisei ang a thleng thei lo tur hi pawi ka ti takzet a ni," tiin a sawi.

WTA Finals khel tur :
# Player Ram
1 Simona Halep Romania
2 Garbine Muguruza Spain
3 Karolina Pliskova Czech Republic
4 Elina Svitolina Ukraine
5 Caroline Wozniacki Denmark
6 Venus Williams USA
7 Jelena Ostapenko Latvia
8 Caroline Garcia France