Sharapova-i'n semifinal a lut

Hmeichhe infiammi zinga sum lalut hnem ber ni tawh ṭhin Maria Sharapova chuan nimin khan Stefanie Voegele chu straight set a hnehin Tianjin Open semifinal a lut.

World number 1 hlui Sharapova hian Voegele lakah hian harsatna nei loin 6-3, 6-1 in hneh­na a chang. Tun din­hmunah Sharapova hi world number 86 a ni a, Tianjin Open khel tur hian wildcard pek a ni. A match hmasa zawkah Magda Linette chu 7-5, 6-3 in a hneh tawh bawk.

Grand Slam vawi nga champion tawh Sharapova hian hremna a hman zawh hnuah French Open leh Wimbledon khel thei lo mah se US Open-ah khan last 16 a lut thei a, season tawp lamah Hard Court tour­nament a khel ṭha chho hle.