De Bruyne-a'n assists record nih rual

Manchester City mid­fielder Kevin De Bruyne-a'n Raheem Sterling goal khung tur a siamsak a, tun season chhunga assist vawi 20 a neihna chiah niin Thierry Henry-a record, Premier League season khat chhunga ṭhiante goal khung tur siamsak hnem ber chu a nih rual. 

Belgium international hian EPL match 155 a khelh aṭangin goal 102 zetah a inrawlh ta, goal 36 khung tawhin a ṭhiante thun tur vawi 66 a siamsak tawh a ni. Arsenal striker hlui Thierry Henry-a'n 2002-03 season khan Premier League-ah assist vawi 20 a nei a, season khat chhunga ṭhiante goal khung tur siamsak hnem ber a ni - hemi season hian goal 24 khungin, goal 44 zetah a inrawlh tihna a ni.