Maria Sharapova tan nomawi

World number 1 hlui Maria Shara­pova chuan kum hnih zet champion nomawi a chawi loh hnuah hlawhtlinna a chang ve leh ta. Russian nula hian nimin khan Aryna Sabalenka chu 7-5, 7-6(8) a hnehin Tianjin Open title a la.

Grand Slam vawi nga champion tawh Sharapova hian tun inelna bikah hian match ruk khelin set a hloh miah lo a, final-ah hian darkar hnih chuang hun a hmang thung - WTA singles title 36 a lakna chiah a ni.

Kum 30 mi Sharapova hi damdawi hman phal loh a hman avangin thla 15 chhung hrem a ni a, hremna a zawh hnuah hliam a neih zui leh avangin tun season chhungin a inkhel tam tawk lo, season tawp lama hlawhtlinna a chang hian kum thar atan beiseina a siamsak ngei ang.