Zaninah last 16 khelh ṭan a ni dawn
FIFA U17 World Cup group stage match khelh zawh a ni a, vawiin tlai dar 5:00 aṭangin last 16 match khelh ṭan a ni dawn. Match hmasa ber aṭang hian a hmuhnawm nghal dawn tih a chiang a, Colombia leh Germany an inkhel ang.
Match hnihna hi zan dar 8:00-ah khelh ṭan tur a ni a, goal khung thiam Paraguay leh United States an inkhel dawn. A thlengtu India-in group stage-ah hneh an neih loh avangin last 16 an lut ve lo a, India hmel hmuh tur a awm tawh dawn lo.
FIFA U17 World Cup last 16-ah hian zanina inkhel tur team pali bakah Iran, Mexico, France, Spain, Mali, Iraq, England Japan, Ghana, Niger, Brazil leh Honduras ten an lut.
Colombia vs Germany
Team pahnihah chak tur zawk rinthiam a harsa - Colombia hi an match hmasa bera beisei an phak loh hnua insiamṭha an ni a, Germany hi group stage match thum an khelh tawh aṭangin dah san an harsa. Colombia hian match hmasa berah Ghana chu 1-0 in an ngam lo a, inkhel en chuan hei aia goal tam zawk chhuah thei an ni tih an hria ang.
Match hnihnaah Colombia hian a thlengtu India chu 2-1 in an hneh hram a, match thumnaah rin loh takin USA chu 3-1 in an sawp thung. Colombia tan match thuma goal thum khungtu Juan Penaloza chu innghahna a ni leh dawn tih a chiang a, Germany tlarhnung tan ven uluk a ṭul dawn.
Germany-in an match hmasa berah Costa Rica chu 2-1 in hneh mah se an match hnihnaah Iran chu 4-0 ngawtin an insawp tir a, dah san an harsa. Mahse, German rawlthar rual hian an match hnuhnung berah Guinea chu 3-1 in an sawp leh tho a, goal hnih khung tawhtu captain Jann-Fiete Arp chu Colombia tana ngaihthah thiang lo tur a ni.
Paraguay vs USA
US rawlthar rual thiamin beisei sang viau mah se Paraguay lakah kher chuan dah chungnun zawk an harsa - Paraguay hian match thum an khelhah hnehna chang vek chungin last 16 hi an lut a, match tinah goal thum aia tlem an khung ngai lo!
Paraguay hian match thumah goal 10 an khung a, US tana hriat nuam tur chu goal nga an chhuah. Paraguay hian match hmasa berah Mali chu 3-2 in an hneh a, New Zealand chu 4-2 a sawp zuiin Turkey 3-1 in an hneh bawk. Goal an khung theih viau rualin goal an chhuah ve zel - US tlarhma tan thu hriat nuam a ni.
USA hian an match hmasa berah India chu 3-0 in an sawp a, match hnihnaah team ṭha Ghana chu 1-0 in an hneh bawk. Mahse, US in beisei loh takin an match hnuhnung berah Colombia chu 3-1 in an ngam lo a, group hmahruaitu nichunga last 16 lut thei khan pathumna zinga a ti ṭha paliah an tel avangin last an lut hram. Paraguay hi an hneh lo a nih chuan dem an hlawh ang.
Inkhel Results
Zirtawpni, October 13
Guinea 1 - 3 Germany
Costa Rica 0 - 3 Iran
Spain 2 - 0 North Korea
Niger 0 - 2 Brazil
Inrinni, October 14
Japan 1 - 1 New Caledonia
France 5 - 1 Honduras
Mexico 0 - 0 Chile
England 4 - 0 Iraq
Zanin Inkhel Tur
Colombia 5:00 PM Germany
Paraguay 8:00 PM United States
Team Dinhmun
Group A
Pos Team Pld W D L GF GA GD Pts
1 Ghana 3 2 0 1 5 1 4 6
2 Colombia 3 2 0 1 5 3 2 6
3 United States 3 2 0 1 5 3 2 6
4 India 3 0 0 3 1 9 -8 0
Group B
Pos Team Pld W D L GF GA GD Pts
1 Paraguay 3 3 0 0 10 5 5 9
2 Mali 3 2 0 1 8 4 4 6
3 New Zealand 3 0 1 2 4 8 -4 1
4 Turkey 3 0 1 2 2 7 -5 1
Group C
Pos Team Pld W D L GF GA GD Pts
1 Iran 3 3 0 0 10 1 9 9
2 Germany 3 2 0 1 5 6 -1 6
3 Guinea 3 0 1 2 4 8 -4 1
4 Costa Rica 3 0 1 2 3 7 -4 1
Group D
Pos Team Pld W D L GF GA GD Pts
1 Brazil 3 3 0 0 6 1 5 9
2 Spain 3 2 0 1 7 2 5 6
3 Niger 3 1 0 2 1 6 -5 3
4 North Korea 3 0 0 3 0 5 -5 0
Group E
Pos Team Pld W D L GF GA GD Pts
1 France 3 3 0 0 14 3 11 9
2 Japan 3 1 1 1 8 4 4 4
3 Honduras 3 1 0 2 7 11 -4 3
4 New Caledonia 3 0 1 2 2 13 -11 1
Group F
Pos Team Pld W D L GF GA GD Pts
1 England 3 3 0 0 11 2 9 9
2 Iraq 3 1 1 1 4 5 -1 4
3 Mexico 3 0 2 1 3 4 -1 2
4 Chile 3 0 1 2 0 7 -7 1