India leh Australia inkhel ṭhulh

Zirtawpni zan khan India leh Australia chuan T20 series match thum khelh tura an match hnuhnung ber khelh tum mah se ruah sur nasat avangin inkhelh theih a ni lo a, 1-1 in T20 series a tawp.

Hyderabad khawpuia inkhel hi series-ah India leh Australia 1-1 a an inhnehtawk avangin final ang a ni a, mahse ni 10 zet ruah a lo sur tawh avang leh inkhel dawn niah pawh ruah a sur avangin khelmual tih hul hleitheih a ni lo. Darkar hnih zet nghah a nih hnuah umpire chuan inkhelh tir loh mai a thlang ta a ni.

Rajiv Gandhi Interna­tional Stadium-ah lawmman semna pawh neih a ni lo a, hei hi Guwa­hati-a Australian team bus beih a nih avanga venhimna lam uluk vang nia sawi a ni. India hian October 22-ah New Zealand nena ODI series match thum an khelh tura an match hmasa ber an khel lehnghal dawn a, squad puan fel a ni tawh.

India Squad

Virat Kohli (captain), Rohit Sharma (VC), Shikhar Dhawan, Ajinkya Rahane, Manish Pandey, Kedar Jadhav, Dinesh Karthik, Mahendra Singh Dhoni, Hardik Pandya, Axar Patel, Kuldeep Yadav, Yuzvendra Chahal, Jasprit Bumrah, Bhuvneshwar Kumar, Shardul Thakur