Sri Lanka-in thutlukna siam dawn

Sri Lanka Cricket (SLC) hnuaia player 40 chuan Lahore-a zin a dun loh thu an thlen a, Lions hi tun thla tawp lam hian Pakistan nen T20 match khel tur an ni. SLC chuan hemi chungchanga thutlukna hi vawiinah an siam ang.

Kum 2009 khan Lahore-ah Sri Lanka player-te chuanna bus chu kah a ni a, police paruk leh civil mi pahnih an thih bakah player engemaw zat leh coach te an inhliam. Hei vang hian Sri Lanka player-te hian Pakistan-a zin nawn an duh lo.

Sri Lanka Cricket president Thilanga Suma­thipala chuan, "A thu phung chuan inremna hi a la awm reng a, player lamin anmahni himna an ngaih pawimawh avangin ngaihtuah nawn turin min ngen a. Venhimna awm dan chungchang hi kan bawh zui ang a, chumi zawh chuan thutlukna kan siam ang," tiin a sawi.

Kum 2015 khan Zimbabwe chuan ODI match pathum leh T20 match pahnih an khel a, Lahore stadium-a bomb puak vangin inkhel a tluan tling thei lo. Kumin September thla tir khan Pakistan-in T20-ah World XI match thum a khelh pui a, hemi ṭum hian ven­himna ṭha bik pek an ni.