India-in hma sawn hret
Nimin khan FIFA chuan ranking thar a tichhuak a, Asian Cup khel tura inpet kai hlim India chu 107-na aṭangin 105-naah an an inhlangkai. World champion ni lai Germany chu an dinhmun ngaiah dingin pakhatna an la ni.
Nakkum World Cup khel tura inpet tling hmasa ber Brazil chu pahnihna niin, qualifier match hnuhnung bera Russia ticket neitu Cristiano Ronaldo leh Lionel Messi te ram Portugal leh Argentina te chuan an dawt bawk.
Ranking chhuak hmasa nena tun inkara point hmu hnem ber chu Denmark (153 points) niin Ecuador (-159 points) chu point paih hnem ber an ni thung.
# Ram Points
1 Germany 1631
2 Brazil 1619
3 Portugal 1446
4 Argentina 1445
5 Belgium 1333
6 Poland 1323
7 France 1226
8 Spain 1218
9 Chile 1173
10 Peru 1160
105 India 328