Pavlyuchenkova tan nomawi pathumna

Russian tennis star Anastasia Pavly­uchenkova chuan Daria Gav­rilova lakah 5-7, 6-3, 7-6 (3) a hnehna changin Hong Kong Tennis Open nomawi a chawi a, kuminah WTA Tour title pathum a lakna chiah a ni.

Pathianni khan China chhim lam tuipui bul velah thli leh ruah a sur nasa hle a, chawhnu lama final khelh tur pawh darkar nga ngawtin sawntlai a ni. Hard court inelna final an khelh hnuah player pahnih an inhnehtawk hle a, set thumnaah pawh tie break khelh a ngai - hun pawimawhah seeded parukna Pavlyuchenkova chu che fuh zawkah ṭangin a champion.

Kum 26 mi Pavlyuchenkova chuan, "Khaw awmdan avang khan kan inkhel dawn nge dawn lo tih pawh kan hre chiang thei lawk lo a, rilru khingbai taka kan awm hnuah kan khel thei hram. Match hah­thlak leh hautak tak maiah hnehna ka chan theih avangin ka lawm hle," a ti. Pavlyuchenkova hian kuminah Monterrey leh Rabat-ah te hlawhtlinna a chang tawh bawk.