Real chungah goal khung thiam Valencia

Valencia chuan La Liga season bul an ṭan fuh an chhawm nung zel. Pathianni zan khan Valencia hian khualmualah Real Betis chu 6-3 in an luhchhuah a, point 18 hmuin champion lai Real Madrid chungah an awm - an chunga awm chu Barcelona chiah an ni.

Benito Villamarin-a inkhelah mikhual Velancia hian Geoffrey Kondogbia, Goncalo Guedes, Rodrigo leh Santi Mina te goal hmangin 4-0 in hma an hruai a, awlsam taka point thum hmu tura ngaih an ni.

Amaherawhchu, Real Betis lam tan Sergio Leon-a' penalty a chhuih lut lo nachungin Joel Campbell, Antonio Sanabria leh Cristian Tello ten an sut a, an mualah Betis hian point hmuh beiseina an nei leh hman. Mahse, West Ham striker hlui Simone Zaza leh Manchester United aṭanga loan hmanga an hawh Andreas Pereiraalencia te chuan an chak nemnghehna an khung.

Valencia hian La Liga match riat khelh­ah hneh loh an la tawng lo a, Barcelona leh Atletico Madrid nen an pathum chiah hi chak loh la nei lo an ni.