Saudi Arabia-ah Santosh Trophy khel dawn

India rama state leh state football inelna sang ber Santosh Trophy knockout stages chu Saudi Arabia-a khel turin ruahmanna siam a ni. October 6, Ningani khan AIFF president Kalyan Chaubey leh secretary General Shaji Prabhakaran te chuan Saudi Arabia aiawht Saudi Arabian Football Federation (SAFF) president Yasser Al-Mishal leh general secretary Ibrahim Al Kassim te nen inremna an ziak.

AIFF chuan, "Saudi-a Santosh Trophy knockout phase chin khelh hian state level player-te chona thar a siam ngei beisei a ni a, football kaltlangin Saudi-a Indian awmte nena inkungkaihna ṭha tak a ni thei bawk ang," tiin thuchhuah an siam.

Inelna hi nakkuma neih tur a ni a, kum dang zawng aiin Santosh Trophy inelna a nung sawt ang. Mizoram hian kum 2014 khan Santosh Trophy nomawi hi an chawi tawh a, Mizo tlangval tan Saudi Arabia-a zin theihna kawng a awm tiin a sawi theih.