Jeremy-a tan chawimawina

Mizo tlangval Jeremy Lalrinnunga chuan nimin khan North East Young Heroes Award 2022 a dawng. Chawimawina hi hmarchhaka digital news media pakhat EastMojo buatsaih niin, Zirtawpni khan Manipur khawpui Imphal-ah an hlan.

Jeremy-a hian Commonwealth Games 2022-ah khan, weightlifting 67kg huangah India tan gold medal a chawi chhuak. Youth Olympic Games-ah khan gold medal a lo la tawh bawk a, ram chhung leh pawnah medal a la hnem tawh hle.

Commonwealth Games neih zawh hnu khan Jeremy-a hi United States-ah a hliam enkawl a ni a, a hliam dam hnuah training a nei zui nghal. In dim deuh a la ngaih avangin Nationl Games pawh a khel lo.