Hmeichhe U17 WC a hnai

AIFF-in 2022 FIFA U-17 Women's World Cup a thleng dawn a, inelna hi October 11, Thawhlehni aṭangin India ram khawpui pathum Bhubaneswar, Margao leh Navi Mumbai-ah te khelh a ni dawn.

India hi group A-ah United States, Morocco leh Brazil te nen an awm a, October 11, Thawhlehni zan dar 8:00-ah United States nen an inkhel ang. Swedish coach Thomas Dennerby enkawl India U17-ah hian Mizo an tel lo.

Dennerby chuan, "Result chauh ni loin khelh dan pawh a pawimawh. Ṭha taka kan khelh pawh a ṭul. Kan fitness a ṭha a, player-ten an tihtur an hre tawh. Ball kan hloh a, kan awmna turte an hre tawh a, hma kan sawn hle. Kan lama goal khung a har ang," tiin a sawi.