Vawiin chawhma dar 10-ah India champion hmuak dawn

Mizoram Football Association chuan vawiin chawhma dar 10:00 hian Diakkawn, Kolasib-ah Hero Junior National Championship for BC Roy Trophy-a champion Mizoram team hmuahna a buatsaih dawn.

MFA chuan Mizo mipui zawng zawng tel vek turin a sawm a, Kolasib DFA-in a ṭul ang a buaipui ang. Mizoram hian Ningani khan Punjab an hneh a, BC Roy Trophy-ah a lungthu kim nan an an champion.

Shillong-a inelna neihah hian final-ah Malsawmtluanga'n goal a khung a, hun pangngaiah Mizoram leh Punjab 1-1 in an inhnehtawk. Penalty shootout-ah Mizoram tana penalty pettu Lalpekhlua Jongte, Malsawmtluanga, Gratus Lalhnehliana, C. Zohmingsanga leh Lalawmpuia Sailo ten an khung vek a, 5-4 in hnehna an chang.

Mizoram hian kumin hma hian 2013 leh 2019-ah te an champion tawh a, tun ṭuma Mizoram team enkawltute hi Hmingthansanga (manager), Vanlalpeka Ralte (coach), F. Lalrozara (asst coach) leh Lalpekhlua Chenkual (physio) te an ni .