Denmark lamah Sindhu leh Srikanth

Indian badminton star ten chawlhkar hnih chhung tournament an khelh loh hnuah Denmark Open Superseries Pre­mier lamah an inlan leh dawn, Rs 4,86,67,500 hu lawmman awmna hi nimin khan qualifier khelh ṭan niin vawiin aṭangin inelna tak an khel zui ang.

Denmark-ah hian P V Sindhu leh Kidambi Srikanth te chu India tana medal hlawh chhuak thei tura beisei an ni, anni pahnih hian Japan Open Superseries lama beisei an phak lohna hliahkhuh an tum ngei dawn a ni.

Odense Sports Park-ah hian khawtual tlangval Viktor Axelsen a inlan dawn, khawtual tlangval Axelsen hi tun dinhmunah world number 1 niin player hmachhawn chakawm loh ber pawl a ni ang. Axelsen bakah hian world champion vawi hnih ni tawh Carolina Marin inlan tur hian hmeichhe singles boruak a ti nung dawn.