Tiger Woods inkhel leh mai thei
Golf legend Tiger Woods chu a inkhel thei leh mai thei niin a agent Mark Steinberg chuan a sawi. Wood hian hmanni deuh lawk khan golf a khelh leh a beisei tawh loh hial thu a sawi tawh bawk.
Major tournament-a vawi 14 champion tawh Woods hi tun hnai kum li chhungin vawi thum zai a ni a, April thla khan a hnungzâng zai a ni. American golfer ropui hian kum 2013 hnu lamah nomawi a la chawi leh lo a ni.
Mark Steinberg chuan, "Tiger hian hma a sawn zel a, inkhel turin a rawn kir leh theih ka beisei," a ti. Kum 41 mi Woods hi a inkhelh theih loh chhungin chanchin duhawm lo a nei hman, August thlatir mai pawh khan dan kalha motor a khalh avangin man a ni.