Taekwondo Fight League chhunzawm zel

Mizorama taekwondo inelna lian leh ngaihhlut Taek­wondo Fight League chu zanin hian Electric Veng YMA Hall-ah khelh chhunzawm leh a ni dawn a, match pathum bakah Dance Competition a awm bawk ang.

TFL khelh mekah match thum an khelh tawh aṭangin ATA Electric Veng Fighters-in point an la hmu lo a, zanina an khingpui tur Zopa Goldsmith hi an chung chiaha awm niin point thum an nei tawh thung, a hnuai ber aṭanga thawh chhuah theihna hun ṭha an nei.

Match hnihnaah TFL 2016 finalist RSC Fighters leh Kolasib Fighters te an intawng dawn, nikum khan RSC hian hnehna changin an champion zui, tun ṭum hi Kolasib lam tan phuba lak theihna hun ṭha a ni ang. Match hnuhnung berah tun season chhunga chak loh la nei lo Armed Veng Warrior leh CMTC Hliemen Rollers te an innuai bawk ang.